2020年話咁快就過左6個月，呢段時間，小人得志，君子道消！但香港仲有好多好人，願意放棄大好前程、金錢利益、權力地位，去為香港人爭取福祉。喺度，我要同咁多位好人講聲多謝，因為你地嘅付出，令我喺黑暗中見到人性嘅光輝。
黎到6月30日，香港坐上時光機，一下子穿越左27年。聽日一覺訓醒，係年年都有嘅7月1號，太陽依然從東邊升起，不過香港特別行政區已經唔再特別。但其實咁又點？我填表，從來都係寫Hong Kong 或者 HK，邊度會寫咩SAR！有人先至有家，有家先至有香港。呢個世界一日仲有幾百萬人講廣東話、寫繁體字，香港人就仍然係香港人！權力會日月更迭，文化先可以源遠流長。香港人而家跑緊馬拉松，未有耐到終點，唔好認輸，難行就更加要跑快啲、大步啲！身邊有人跌親就幫下手扶佢起身，一齊努力，唔好灰心！香港人加油！
Search